Օդանավակայանում Գախարիայի վրա հավկիթներ են նետել

Վրաստանի նախկին վարչապետ և «Հանուն Վրաստանի» ընդդիմադիր կուսակցության առաջնորդ Գեորգի Գախարիայի վրա Թբիլիսիի օդանավակայանում ձվեր են նետել։

Քաղաքական գործիչը վերադառնում էր Գերմանիայից, որտեղ մասնակցում էր Մյունխենի անվտանգության համաժողովի պանելային քննարկումներին, որին ներկա չէին կառավարության ներկայացուցիչները։

«Հանուն Վրաստանի» կուսակցությունը հայտարարել է, որ միջադեպի առնչությամբ ոստիկանությունը ոչինչ չի ձեռնարկել: Օդանավակայանի անվտանգության ծառայությունը նույնպես ոչ մի կերպ չի արձագանքել։

Կատարվածի վերաբերյալ Ներքին գործերի նախարարությունը մեկնաբանություն չի տվել։