Երկուշաբթի, 16 մարտի, 2026 թ.
|
Ստեփանակերտում`   +12 °C

«Գագաթնաժողովը նախերգանքն էր այն ամենի, ինչ տեղի կունենա առաջիկայում»․ Տուսկ

«Գագաթնաժողովը նախերգանքն էր այն ամենի, ինչ տեղի կունենա առաջիկայում»․ Տուսկ
348
Երեքշաբթի, 18 փետրվարի, 2025 թ., 10:07

Փարիզում ԵՄ առաջնորդների արտահերթ գագաթնաժողովն ավարտվել է առանց Ուկրաինայի վերաբերյալ որոշումներ կայացնելու, հայտարարել է Լեհաստանի վարչապետ Դոնալդ Տուսկը, փոխանցում է RMF24-ը։

Նրա խոսքով, սա ընդամենը «նախերգանք էր այն ամենի, ինչ տեղի կունենա առաջիկա շաբաթների և ամիսների ընթացքում. բոլորին պարզ է, որ նման հանդիպումները չեն ավարտվում որոշումների կայացմամբ։

Թե՛ այստեղ ներկայացված երկրների, թե՛ ողջ Եվրոպայի շահերից է բխում դաշնակցային համագործակցության ամրապնդման համար հնարավոր ամենահրատապ և ինտենսիվ գործողությունները։ Դա վերաբերում է նաև պատերազմին վերջ տալու հնարավոր ապագա բանակցություններին»,- ասել է Տուսկը։

Նա զգուշացրել է, որ քննարկված հարցերի զգայունությունը հաշվի առնելով, մյուս առաջնորդները նույնպես իրենց մեկնաբանություններում զուսպ կլինեն։