Իլոն Մասկը Եվրոպայում հեղափոխություն է կանխատեսել

Գերմանիայի խորհրդարանական ընտրությունների ֆոնին Եվրոպայում հեղափոխություն է հասունանում, այս կարծիքին է ամերիկացի ձեռնարկատեր Իլոն Մասկը։

X սոցիալական ցանցի օգտատերերից մեկը գրել է, որ ավելի քան 10 միլիոն գերմանացի քվեարկել է աջակողմյան «Այլընտրանք Գերմանիայի համար» (AfD) կուսակցության օգտին՝ հավելելով, որ «Եվրոպայում հեղափոխություն է հասունանում», և սա «միայն սկիզբն է»։
«Այո»,- գրել է Իլոն Մասկը՝ մեկնաբանելով հրապարակումը։

Բունդեսթագի ընտրություններից առաջ ամերիկացի գործարարը հայտարարել էր, որ AfD-ն Գերմանիայի միակ հույսն է։
Ավելի վաղ Իլոն Մասկն, ի պատասխան X սոցցանցի օգտատերերից մեկի հարցին, հայտարարել էր, որ Գերմանիան «պետք է նորից ազատագրվի»։

Հիշեցնենք, որ փետրվարի 23-ին Գերմանիայում տեղի ունեցան Բունդեսթագի ընտրություններ։ Գերմանիայի Դաշնային ընտրական հանձնաժողովը հաղթող է ճանաչել CDU/CSU դաշինքը՝ ձայների 28,6%-ով։ «Այլընտրանք Գերմանիայի համար» աջակողմյան կուսակցությունն առաջին անգամ զբաղեցրել է երկրորդ տեղը։ Լավագույն եռյակը եզրափակել է SPD-ն՝ ի դեմ կանցլեր Օլաֆ Շոլցի։