«Զելենսկին պատրաստ չէ խաղաղության». Թրամփ

ԱՄՆ-ի նախագահ Դոնալդ Թրամփը, մեկնաբանելով ուրբաթ օրը Սպիտակ տանը Վլադիմիր Զելենսկու հետ հրապարակային վիճաբանությունը, ասել է, որ կողմերի համար չափազանց դժվար կլինի նման պայմաններում բանակցել։
«Մեզ համար շատ դժվար կլինի այդ կերպ գործերն առաջ տանել»,- ասել է Թրամփը Զելենսկու հետ լարված լեզվակռվից հետո։
«Սպիտակ տանը կայացած հանդիպումը շատ բովանդակալից էր: Մենք շատ բան սովորեցինք, ինչը հնարավոր չէր սովորել առանց նման լարված և կրակոտ զրույցի: Զարմանալի է, թե ինչ է դուրս գալիս զգացմունքների միջոցով: Եվ ես որոշեցի, որ նախագահ Զելենսկին պատրաստ չէ խաղաղության, եթե Ամերիկան ​​ներգրավվի, քանի որ կարծում է, որ մեր մասնակցությունը նրան մեծ սակարկության առարկա է տալիս»,- ասել է Թրամփը: