«Աշխատում ենք Ադրբեջանի և Հայաստանի միջև խաղաղության համաձայնագրի ստորագրման ուղղությամբ». Էրդողան

Թուրքիան շարունակում է ջանքերը Հարավային Կովկասում կայունության ապահովման ուղղությամբ, այս մասին դիվանագետների հետ Ռամադանի ընթրիքին նվիրված հանդիպմանը հայտարարել է Թուրքիայի նախագահ Ռեջեփ Թայիփ Էրդողանը:

Նա նշել է. «Միաժամանակ մենք աշխատում ենք Ադրբեջանի և Հայաստանի միջև խաղաղության համաձայնագրի ստորագրման ուղղությամբ, բացի այդ՝ Թուրքիան շարունակում է Հայաստանի հետ հարաբերությունների կարգավորման գործընթացը»:
Էրդողանը նաև նշել է, որ Թուրքիան ամուր հարաբերություններ է պահպանում Կենտրոնական Ասիայի իր եղբայրական հանրապետությունների հետ։ Նրա խոսքով, Անկարան նաև աջակցում է այն դրական մթնոլորտին, որը ստեղծվել է Հունաստանի հետ համատեղ քայլերի շնորհիվ։