«Եթե Կանադայի նահանգապետ Թրյուդոն պատասխան տա, մեր մաքսատուրքերն ավելի կմեծանան». Թրամփ

ԱՄՆ-ի նախագահ Դոնալդ Թրամփը հայտարարել է, որ ԱՄՆ-ն անհապաղ կբարձրացնի Կանադայի նկատմամբ արդեն իսկ կիրառված մաքսատուրքերը, եթե Օտտավան պատասխան տա դրանց: Այս մասին նա հայտարարել է մարտի 4-ին։

«Խնդրում եմ բացատրեք Կանադայի նահանգապետ Թրյուդոյին (վարչապետ-խմբ.), որ երբ նա պատասխան մաքսատուրք սահմանի Միացյալ Նահանգների վրա, մեր պատասխան սակագինը անմիջապես կբարձրանա նույն չափով»,- ասել է Թրամփը Truth սոցիալական ցանցում։

Ավելի վաղ՝ մարտի 4-ին, Թրյուդոն ԱՄՆ-ի մաքսատուրքերի ներդրումն անվանել էր Կանադայի դեմ առևտրային պատերազմի սկիզբ։ Նա նաև հայտարարել էր, որ Օտտավան 21 օրվա ընթացքում 25 տոկոս մաքսատուրք կսահմանի ԱՄՆ-ից ներմուծվող 125 միլիարդ դոլարի ապրանքների վրա: