Հինգշաբթի, 20 մարտի, 2025 թ.
|
Ստեփանակերտում`   +6 °C

«Ուկրաինան ռուսական սառեցված ակտիվներից առաջին միջոցներն է ստացել»․ Շմիհալ

«Ուկրաինան ռուսական սառեցված ակտիվներից առաջին միջոցներն է ստացել»․ Շմիհալ
1749
Ուրբաթ, 07 մարտի, 2025 թ., 19:26

Ուկրաինան ստացել է ռուսական սառեցված ակտիվներից առաջին միջոցները, որոնք ձևավորվել են այդ ակտիվներից ստացված եկամուտներով։ Այս մասին Telegram-ի իր ալիքում հայտնել է Ուկրաինայի վարչապետ Դենիս Շմիհալը։

«Այսօր մենք ստացել ենք 752 միլիոն ֆունտ ստերլինգ (971,3 միլիոն դոլար)՝ G7 ERA նախաձեռնության շրջանակներում (Ուկրաինայի համար արագացված վարկավորման ծրագիր)»:

The Times թերթի տվյալներով՝ Միացյալ Թագավորությունում սառեցվել են Ռուսաստանի Կենտրոնական բանկի մոտ 26 միլիարդ ֆունտ ստերլինգ արժողությամբ ակտիվները և պատժամիջոցների ցուցակում հայտնված ֆիզիկական անձանց՝ ևս 18 միլիարդ ֆունտ ստերլինգի ակտիվներ։