Շաբաթ, 15 օգոստոսի, 2026 թ.
|
Ստեփանակերտում`   +22 °C

«ԱՄՆ-ն պաշտոնապես չեղարկել է USAID-ի ծրագրերի 83%-ը»․ Ռուբիո

«ԱՄՆ-ն պաշտոնապես չեղարկել է USAID-ի ծրագրերի 83%-ը»․ Ռուբիո
2665
Երկուշաբթի, 10 մարտի, 2025 թ., 16:08

ԱՄՆ նոր վարչակազմը պաշտոնապես չեղարկել է ԱՄՆ Միջազգային զարգացման գործակալության (USAID) կողմից հովանավորվող ծրագրերի 83%-ը։ Այս մասին X-ի իր էջում հայտնել է պետքարտուղար Մարկո Ռուբիոն։

ԱՄՆ կառավարությունը կդադարեցնի ավելի քան 5200 պայմանագրերի ֆինանասավորումը, ասվում է Ռուբիոյի գրառման մեջ։ Նրա խոսքով՝ դրանց իրականացումը հանգեցրել է նրան, որ «տասնյակ միլիարդավոր դոլարներ ծախսվել են այնպիսի եղանակներով, որոնք չեն ծառայում (որոշ դեպքերում նույնիսկ վնասում են) Միացյալ Նահանգների ազգային շահերին»:

«Քոնգրեսի հետ խորհրդակցելով՝ մենք մտադիր ենք ավելի արդյունավետ կերպով կառավարել ծրագրերի մնացած 18 տոկոսը՝ Պետդեպարտամենտի ղեկավարությամբ»,- ասել է Ռուբիոն:
Իր գրառման մեջ պետքարտուղարը շնորհակալություն է հայտնել նաև Իլոն Մասկի՝ «Կառավարության արդյունավետության գրասենյակին» (DOGE) և Պետքարտուղարության «աշխատասեր անձնակազմին»։ Հազարավոր ծրագրերի փոխհատուցումը Ռուբիոն անվանել է «վաղուց անհրաժեշտ և պատմական բարեփոխում»:

Կարդացե՛ք նաև