«Արին Բերդի փողոցն անմխիթար վիճակում է. պետական մարմինները չեն արձագանքում». ակցիայի մասնակից

Երևանի Արին Բերդ փողոցի բնակիչները բողոքի ակցիա են իրականացնում՝ պահանջելով վերանորոգել փողոցի մեծ փոսերը: Ակցիայի մասնակիցը լրագրողների հետ զրույցում մանրամասնեց. «Փողոցը երկար ժամանակ է՝ գտնվում է անմխիթար վիճակում: Այստեղ բազմաթիվ հիմնարկություններ և գործարաններ կան: Այդ գործարաններին սպասարկում են մեծ մեքենաները: Դրա պատճառով փոսեր են առաջացել, որոնք ամեն եղանակից հետո ավելի են խորանում: Դիմել ենք համապատասխան մարմիններին, բայց առ այսօր արձագանք չկա»: