«ՀՀ Սահմանադրության մեջ տարածքային պահանջների պահպանումը խոչընդոտում է խաղաղության գործընթացին». Բայրամով

Ղազախստան կատարած պաշտոնական այցի ընթացքում Ադրբեջանի արտգործնախարար Ջեյհուն Բայրամովը հանդիպել է ղազախ պաշտոնակից Մուրադ Նուրտլեուի հետ։

ԱՊԱ-ի փոխանցմամբ՝ ի թիվս այլ հարցերի, քննարկվել են տարածաշրջանում տիրող իրավիճակը, ինչպես նաև Ադրբեջանի և Հայաստանի միջև հարաբերությունների կարգավորման գործընթացը։

«Չնայած Ադրբեջանի և Հայաստանի միջև խաղաղության համաձայնագրի նախագծի շուրջ երկկողմ բանակցությունների ընթացքում ձեռք բերված հաջողություններին, հիմնարար խնդիրը մնում է Հայաստանի Սահմանադրության և մի շարք օրենսդրական ակտերում մեր երկրի նկատմամբ տարածքային պահանջների պահպանումը, ինչպես նաև Մինսկի խմբի պահպանման հարցում հայկական կողմի դիրքորոշումը»,- ասել է Բայրամովը:

Ավելի վաղ ՀՀ վարչապետը հայտարարել էր, որ ՀՀ Սահմանադրության ոչ մի դրույթ տարածքային պահանջներ չի պարունակում հարևան երկրների նկատմամբ: