«Գործող իշխանությունը Բաքվի հայ գերիներին վերաբերվում է որպես քաղաքական հակառակորդների». Մենուա Սողոմոնյան

«Մենք պետք է պահանջատեր լինեինք մեր պետությունից՝ պահանջել պետությունից կատարել իր ֆունկցիաները»,- ՄԱԿ-ի գրասենյակի դիմաց ակցիայի ժամանակ, լրագրողների հետ զրույցում ասել է «ՀայաՔվե»-ի անդամ Մենուա Սողոմոնյանը՝ ընդգծելով, որ գործող իշխանությունը իր ֆունկցիան չի համարում ՀՀ մի քանի տասնյակ քաղաքացիներին գերեվարումից ազատելը, այն մարդկանց, ում անձնագրերի մեջ գրված է, որ իրենց հովանավորը ՀՀ-ն է, «որովհետև իշխանությունը այդ մարդկանց վերավերվում է որպես քաղաքական հակառակորդների»: «Մենք ստիպված հնարավոր բոլոր դռները թակում ենք, բարձրացնում ենք մեր ձայնը և տեսնում ենք, որ դա որոշակի արդյունք տալիս է միջազգային հանրության շրջանում»,- նշել է Սողոմոնյանը:
Հիշեցնենք, որ ակցիայի մասնակիցները պահանջում են, որպեսզի ՄԱԿ ներկայացուցիչները Բաքվում ներկա գտնվեն հայ գերրիների դատերին։