«Չեմ պատրաստվում հրաժարական տալ»․ Վուչիչ

Սերբիայի նախագահ Ալեքսանդր Վուչիչը չի պատրաստվում հրաժարական տալ երկրում ընթացող բողոքի ակցիաների ֆոնին։ Այդ մասին նա հայտարարել է Բելգրադում ընդդիմության խոշոր հանրահավաքից հետո կայացած մամուլի ասուլիսում, հաղորդում է թելեգրամյան Politika Strany ալիքը։

Վուչիչի խոսքով, բանակը գնահատել է, որ Բելգրադում ցույցերին մասնակցել է 88 հազար մարդ, մինչդեռ ոստիկանությունը մասնակիցների թիվը գնահատել է 107 հազար։ Նա նշեց, որ այդ թվերը շատ ավելի ցածր են, քան իրենք՝ ընդդիմության կողմից վկայակոչվածները։ Վուչիչն ընդգծել է, որ հանրահավաքների ընթացքում եղել են օրենքի և կարգի խախտումներ։ «56 մարդ վիրավորվել է և տեղափոխվել հիվանդանոց։ Տարբեր իրավախախտումների համար ձերբակալվել է 22 մարդ»,- ասվում է հաղորդագրության մեջ։

Հրատարակությունը նշում է, որ բողոքի ցույցերի ընթացքում օգտագործվել է ավելի քան 60 պայթուցիկ սարք։

Երկրում բողոքի ցույցերը սկսվել են Նովի Սադ քաղաքի երկաթուղային կայարանում տեղի ունեցած միջադեպի կապակցությամբ։ Նոյեմբերի 1-ին կայարանի բետոնե ծածկի փլուզման հետևանքով տասնյակ մարդիկ են տուժել, զոհեր են եղել։