Գերմանիայի նախագահն առաջին անգամ կժամանի Հայաստան

Գերմանիայի նախագահ Ֆրանկ-Վալտեր Շթայնմայերը 2025 թվականի մարտի 30-ից ապրիլի 2-ը կայցելի Հայաստան և Ադրբեջան։ Նշվում է, որ Երևանում նա հանդիպելու է ՀՀ նախագահ Վահագն Խաչատուրյանի և վարչապետ Նիկոլ Փաշինյանի հետ։

Այցի երկրորդ օրը Շթայնմայերը կմեկնի Դիլիջան, որտեղ նախատեսվում է հանդիպում հայ կին ձեռներեցների հետ։ Գերմանիայի նախագահը կծանոթանա քաղաքաշինական զարգացման ծրագրին։

Ծրագրվում է նաև այցելել Սևան, հայկական եկեղեցի և հիդրոօդերևութաբանական չափիչ կայան։