Բաքուն արձագանքել է ՀՀ վարչապետի աշխատակազմի հայտարարությանը

Բաքուն արձագանքել է ՀՀ վարչապետի աշխատակազմի հայտարարությանը, որում Երևանը կոչ է արել համատեղ հետաքննության մեխանիզմ ստեղծել՝ առաջնագծում հրադադարի ռեժիմի խախտման դեպքերի և/կամ նման տեղեկությունների վերաբերյալ՝ նշելով, որ ՀՀ պաշտպանության նախարարությունը պատրաստ է հետաքննել Ադրբեջանի հաղորդագրությունները հիմնավորող փաստերը՝ դրանք ՀՀ-ին փոխանցելու պարագայում։

Ադրբեջանի ԱԳՆ-ն այս կոչն անվանել է «իրականության խեղաթյուրում». «Տեղին կլիներ՝ բացատրություն տալ Հայաստանի ռազմականացման, սահմանամերձ շրջաններում հարձակողական զինատեսակների տեղակայման վերաբերյալ»,- նշված է տեքստում։

«Երևանը բարի կամք դրսևորելու և սադրանքները դադարեցնելու փոխարեն վերացական և գործնականում անհնարին առաջարկներ է անում»,- հայտնել է Ադրբեջանի ԱԳՆ մամուլի քարտուղար Այխան Հաջիզադեն։