Անկարայի քաղաքապետն արտահերթ նախագահական ընտրությունների կոչ է արել

Անկարայի ընդդիմադիր քաղաքապետ Մանսուր Յավաշը Ստամբուլի քաղաքապետ Էքրեմ Իմամօղլուի ձերբակալությունից հետո կոչ է արել Թուրքիայում արտահերթ նախագահական ընտրություններ անցկացնել։
Թուրքիայի դատարանը որոշում է կայացրել ձերբակալել Ստամբուլի քաղաքապետ Էքրեմ Իմամօղլուին, ով կասկածվում է կոռուպցիայի մեջ, հայտնում է Sözcü հեռուստաալիքը կիրակի օրը։ Սակայն երկրորդ՝ ահաբեկչության գործով հետաքննության շրջանակում ձերբակալելու հարցումը մերժվել է, գրում է Star թերթը՝ վկայակոչելով պաշտոնական աղբյուրները։ Իմամօղլուի հետ միասին ձերբակալվել են քաղաքապետարանի մի շարք բարձրաստիճան պաշտոնյաներ, գործում ներգրավված է ավելի քան 90 մարդ: Ըստ Halk TV-ի՝ Իմամօղլուն կարող է բողոքարկել ձերբակալության որոշումը։ Ստամբուլի գլխավոր դատախազությունն իր հերթին մտադիր է բողոքարկել դատարանի կողմից ահաբեկչության գործով Իմամօղլուին կալանավորելու միջնորդության մերժումը, գրում է Sabah թերթը։ Միայն Սահմանադրական դատարանը կարող է վերջնական որոշում կայացնել:
Թուրքիայի ներքին գործերի նախարարությունը հայտարարել է, որ Իմամօղլուն ժամանակավորապես դադարեցվել է քաղաքապետի պարտականությունները։