«Պարտության անխուսափելիության պնդումը մեր նորագույն պատմության ամենամեծ ՍՈՒՏՆ է». Վահրամ Մարտիրոսյան

Գործարար Վահրամ Մարտիրոսյանի ֆեյսբուքյան գրառումը. «ՆՓ-ի հիստերիկ ելույթի մեջ միակ «օգտակար» միտքը նա էր, որ առաջին անգամ նա ընդունեց, որ տեղի է ունեցել կապիտուլացիա։
Նիկոլիզմի գլխավոր նառատիվը Պարտության Անխուսափելիության թեզն է։ Մնացած բոլոր նարատիվները ածանցյալ են հենց այս աքսիոմատիկ նարատիվից՝ «դե պարտվել ենք, դրա համար էլ.....»:
Այսինքն, եթե պարտությունը անխուսափելի չի եղել, ապա պատերազմական և հետպատերազմյան բոլոր ողբերգությունների պատճառը ՆՓ-ն է։ Եվ հակառակը՝ եթե պարտությունը անխուսափելի է եղել, ապա ՆՓ-ին կարելի է մեղադրել վատ բանակցելու և ավելի շատ զիջելու մեջ, բայց ոչ երբեք ողբերգությունների պատճառը լինելու մեջ։
Իր հետ բանավեճը պետք է լինի բովանդակային՝ պատերազմի ու պարտության մասին, այլ ոչ թե ալմա-աթյան ֆորմալիզմի։ Նոր իրողություններն ու նոր լեգիտիմությունը ստեղծվել են մարտի դաշտում, այլ ոչ թե 30 տարի առաջվա շատ վերացական հռչակագրում։
Բայց դե, ըստ ընդդիմության մի զգալի հատվածի, պարտությունը իրապես եղել է անխուսափելի։ Այդ դեպքում ուզում ես էդ մարդկանց հարց տալ՝ բա էլ ինչի՞ դեմ եք պայքարում։ Որ լավ չի բանակցո՞ւմ։ Պարզվում է՝ ընդիմադիր համարվողները լավ էլ նիկոլական նառատիվների կրողներն են, և աշխարընկալման մակարդակով Նիկոլից շատ էլ չեն տարբերվում։
Երբ կունենանք այնպիսի ընդդիմություն, որը կունենա քաղաքական մտքի լրիվ այլ մակարդակ, այն ժամանակ հենց ինքն էլ ՆՓ-ին բանավեճի կկանչի և, նրա բառերով ասած, պատերով կտա, ոտի տակ կքցի ու քաղաքական դիակի մնացորդը կոչնչացնի։
ՆՓ-ին հեռացնելու բանալին հենց այստեղ էլ գտնվում է։
Իսկ Պարտության Անխուսափելիության պնդումը մեր նորագույն պատմության ամենամեծ միֆն ու ՍՈՒՏՆ է»։