«Շանսը բաց չթողնելու համար Ադրբեջանը պետք է օր առաջ պայմանագրի ստորագրման վայր առաջարկի». Սարգիս Խանդանյան

«Հնարավո՞ր է, որ ՀՀ-ն սահմանադրական փոփոխությունները արագացնի, որ խաղաղության փաստաթուղթը ստորագրվի»,- ճեպազրույցի ժամանակ, հղում անելով Ամիրբեկովի խոսքերին, նման հարց ուղղվեց ԱԺ արտաքին հարաբերությունների մշտական հանձնաժողովի նախագահ Սարգիս Խանդանյանին:

Խանդանյանը պատասխանեց. «Խաղաղության պայամանագրի ստորագրման շանսը բաց չթողնելու համար Ադրբեջանը պետք է օր առաջ վայր առաջարկի, համաձայնեցնի մեզ հետ և դա ստորագրվի:

Սահմանադրության փոփոխությունը Հայաստանի ներքին հարցն է, և մեր քաղաքական ուժը գտնում է, որ նոր Սահմանադրություն ընդունելու անհրաժեշտություն կա։ Բայց դրա ընդունումը որևէ կապ չունի խաղաղության պայմանագրի բովանդակության հետ»: Խանդանյանի խոսքով՝ ՀՀ-ն Սահմանադրության փոփոխության արագացման հարց չի քննարկվում: