«Միայն Արցախը ազատագրելուց հետո է հնարավոր հավաքական վերադարձը». Հրայր Ուլուբաբյան

«Արցախ հավաքական վերադարձ կարող է լինել միայն Արցախն ազատագրելուց հետո: Ադրբեջանի կազմում ոչ մի վերադարձ չի կարող լինել»,- Ազատության հրապարակում ի պաշտպանություն արցախցիների իրավունքների կազմակերպված հանրահավաքի ժամանակ լրագրողների հետ զրույցում ասաց հրապարակախոս Հրայր Ուլուբաբյանը:

Նրա կարծիքով՝ 1988-ի ազատագրական շարժման նման մի շարժում պետք է սկսվի: «Ադրբեջանի հետ հարցերը պետք է լուծվի միջազգային դատարանում, ծայրահեղ դեպքում՝ պատերազմի դաշտում: Ադրբեջանը Թուրքիայի հետ Հայաստանը վերացնելու ծրագիր է իրականացնում, նրա հետ բանակցելը անիմաստ է»,- նշեց հրապարակախոսը: