«Ինչի չի՞ երևում, որ խորթ երեխու պես եք նայում ղարաբաղցիներին»․ Սամվել Բաբայան

«Մահացածների թիկունքից չեմ ուզում խոսել»,- Yerevan Tribune-ի եթերոմ, անդրադառնալով Վազգեն Սարգսյանին գրված նամակին և նրա հետ ունեցած հարաբերությսւմներին, ասաց Արցախի ՊԲ նախկին հրամանատար Սամվել Բաբայանը․ «Վազգեն Սարգսյանին նամակը հանգիստ եմ գրել, ընենց չի, որ էմոցիոնալ վիճակ ա եղել: Ինչ գրել եմ, էսօր էլ կարամ կրկնեմ: Ասել եմ եթե մարդիկ իրենց երեխուն ուղարկում են Ղարաբաղ, որտեղ զոհվումա, կամ ղարաբաղցիներին բերել ղեկավար են սարքել, այդպես ատելություն ա սերմանվում արցախցու դեմ․․․ Խի էսօր չի՞ երևում, որ խորթ երեխու պես եք նայում ղարաբաղցիներին: Ասել եմ, որ պետք չի ամեն մեկի ասածով քո հրամանատարի մասին կարծիք կազմես։ Վազգեն Սարգսյանին համոզել էր իր շրջապատը, որ Սամվել Բաբայանը Փարիզում տուն ունի: Ես էլ ասեցի՝ իրան ասեք՝ եթե տան տեղը գիտի, քեզ նվեր եմ տալիս: Էդ նամակից հետո վեռտալյոտով թռել եկել ա Ղարաբաղ, ինձ հետ խոսել ա, հարթվելա ամեն ինչ»,- պատմեց Բաբայանը։