«ՆԱՏՕ-ն չի մասնակցի Ուկրաինայի հարցով բանակցություններին»․ Ռյուտե

ՆԱՏՕ-ն չի մասնակցի Ուկրաինայի և Ռուսաստանի միջև պատերազմի դադարեցման բանակցություններին. Ուստի դաշինքն այս հարցում չունի իր «կարմիր գծերը»։
Այս մասին հայտնում է RBC-Ukraine-ն՝ հղում անելով ՆԱՏՕ-ի գլխավոր քարտուղար Մարկ Ռյուտեն NV-ին տված հարցազրույցում։
«Մենք՝ որպես ՆԱՏՕ, չենք մասնակցում այդ բանակցություններին: Դրանք իսկապես վարում է ԱՄՆ-ն Ուկրաինայի և ռուսների հետ միասին: Ես ուրախ եմ, որ ԱՄՆ-ն առաջ է շարժվել այս հարցում, և այդ բանակցությունները այժմ շարունակվում են»,- ասաց նա:

Ռյուտեն նշել է, որ բանակցությունները դանդաղ են ընթանում, բայց ոչ թե Ուկրաինայի, այլ Ռուսաստանի Դաշնության պատճառով, և «գնդակն այժմ ակնհայտորեն ռուսական դաշտում է»։

«Կարծում եմ՝ ՆԱՏՕ-ն չունի իր կարմիր գծերը, քանի որ մենք այս գործընթացի մաս չենք: Բայց, իհարկե, ընդհանուր առմամբ, մենք ցանկանում ենք, որ Ուկրաինան լինի հպարտ ինքնիշխան պետություն, որը առաջ է շարժվում: Դա այն է, ինչ մենք բոլորս ուզում ենք: Դա պետք է լինի արդար և տևական խաղաղություն»,- հավելել է նա: