«Նեթանյահուն ծրագրում է ապրիլի 7-ին հանդիպել Թրամփի հետ»․ #Axios

Իսրայելի վարչապետ Բենիամին Նեթանյահուն պատրաստվում է ապրիլի 7-ին այցելել Վաշինգտոն, նա նախատեսում է ԱՄՆ նախագահ Դոնալդ Թրամփի հետ քննարկել մաքսատուրքերը, իրավիճակը Գազայի հատվածում և Իրանում, հայտնում է Axios պորտալը՝ վկայակոչելով իրազեկ աղբյուրներ։
Ըստ Axios-ի զրուցակիցների՝ Նեթանյահուն կարող է դառնալ առաջին օտարերկրյա առաջնորդը, ով անձամբ կհանդիպի Թրամփի հետ՝ փորձելով բանակցել իր երկրից մաքսատուրքերը հանելու համաձայնագրի շուրջ: Պորտալը հայտնում է նաև, որ Իսրայելի վարչապետը ցանկանում է փոխըմբռնման հասնել Թրամփի հետ Իրանի միջուկային օբյեկտներին հարվածների վերաբերյալ, եթե դիվանագիտությունը «անզոր է»:
Ինչպես նշում են պորտալի աղբյուրները, ուղևորության պլանները դեռ կարող են փոխվել, քանի որ Նեթանյահուն կոռուպցիայի գործով լսումներ ունի, որը, հավանաբար, պետք է չեղարկի հանուն ուղևորության։