Շաբաթ, 16 մայիսի, 2026 թ.
|
Ստեփանակերտում`   +12 °C

«Ուկրաինան պատվիրակություն կուղարկի ԱՄՆ՝ հանքանյութերի շուրջ բանակցությունների համար»․ #AP

«Ուկրաինան պատվիրակություն կուղարկի ԱՄՆ՝ հանքանյութերի շուրջ բանակցությունների համար»․ #AP
2310
Երկուշաբթի, 07 ապրիլի, 2025 թ., 13:45

Ուկրաինան պատվիրակություն կուղարկի ԱՄՆ՝ հանքային ռեսուրսների շուրջ բանակցությունների համար, հայտնում է AP-ն։

Պատվիրակության կազմում կընդգրկվեն էկոնոմիկայի, արտաքին գործերի, արդարադատության և ֆինանսների նախարարությունների ներկայացուցիչներ: Ուկրաինայի էկոնոմիկայի նախարար Յուլիա Սվիրիդենկոյի խոսքով՝ ԱՄՆ-ի նոր առաջարկը ներառում է նաև երկու երկրների միջև հիմնադրամի կամ համատեղ ներդրումային ծրագրերի ստեղծում:

Հանքային ռեսուրսների շուրջ համաձայնագիրը նախատեսվում էր ստորագրվել դեռևս փետրվարին, ինչը չեղարկվեց Դոնալդ Թրամփի և Վլադիմիր Զելենսկու միջև տեղի ունեցած լարված հանդիպումից հետո:

Համաձայնության նախագիծն ավելի ուշ քննադատության է ենթարկվել Ուկրաինայի կողմից։ Ուկրաինացի պաշտոնյաների գնահատմամբ՝ այն կարող է վտանգել Ուկրաինայի վերահսկողությունն իր բնական պաշարների, ներառյալ հազվագյուտ հանքանյութերի, գազի և նավթի նկատմամբ: