«Մասկը Թրամփին հորդորել է վերանայել մաքսատուրքերը, բայց՝ ապարդյուն». #WP

2405

Երեքշաբթի, 08 ապրիլի, 2025 թ., 14:15

ԱՄՆ կառավարության արդյունավետության դեպարտամենտի (DOGE) ղեկավար Իլոն Մասկն անձամբ է դիմել ԱՄՆ նախագահ Դոնալդ Թրամփին՝ խնդրելով վերանայել իր սակագնային քաղաքականությունը, գրում է Washington Post-ը։
Լրատվամիջոցը, վկայակոչելով իրավիճակին ծանոթ երկու աղբյուրների, նշել է, որ սա Թրամփի և Մասկի միջև մինչ օրս եղած ամենամեծ տարաձայնությունն է։

Ըստ աղբյուրների՝ Մասկի փորձը դեռ հաջողությամբ չի պսակվել։

Թրամփի թեկնածությունը սատարող բիզնեսի և տեխնոլոգիական ոլորտի առաջնորդները ցնցված էին նման բարձր մաքսատուրքեր սահմանելու նախագահի որոշումից, նշում է թերթը։
Tesla-ի վաճառքները վերջին եռամսյակում կտրուկ անկում են գրանցել: Երկուշաբթի ընկերության բաժնետոմսերը նվազել են մինչև 233,29 դոլար՝ տարեսկզբի համեմատ նվազելով 42%-ով: Մասկը նախկինում կանխատեսել էր, որ ԱՄՆ նախագահ Դոնալդ Թրամփի՝ ավտոմեքենաների մաքսատուրքերի ազդեցությունը Tesla-ի վրա զգալի կլինի: