«Հայաստանը պատրաստ է միջազգային փորձագետների ներգրավմամբ ստուգել քարտեզների ճշգրտությունը». Անի Բադալյան
![]() 2791 Չորեքշաբթի, 09 ապրիլի, 2025 թ., 13:24 ՀՀ ԱԳՆ խոսնակ Անի Բադալյանն X-ի իր էջում մասնավորապես գրել է. «Ի պատասխան «ականապատ տարածքների քարտեզները տրամադրելու» պաշտոնական Բաքվի պահանջների վերաբերյալ լրատվամիջոցների հարցմանը Կարևորելով մարդասիրական խնդիրների լուծումը՝ 2021 թվականի հունիսի 12-ին, հուլիսի 3-ին, հոկտեմբերի 19-ին, նոյեմբերի 1-ին և նոյեմբերի 29-ին Հայաստանը միակողմանիորեն, առանց նախապայմանների Ադրբեջանին է տրամադրել ականապատ տարածքների 972 տեղեկամատյան։ Ավելին, հավատարիմ մնալով հումանիտար հարցերում համագործակցության սկզբունքներին, հարցումների միջոցով կազմել և 2024 թվականի սկզբին ականապատ տարածքների նոր տեղեկամատյաններ է փոխանցել Ադրբեջանին։ Ադրբեջանը շարունակաբար կասկածի տակ է դնում այդ քարտեզների ճշգրտությունը՝ չնայած մեր կողմից բազմիցս արված հայտարարություններին առ այն, որ «ավելի լավ կամ ավելի ճշգրիտ» քարտեզներ չկան։ Հայաստանը, ինչպես նախկինում, այնպես էլ այժմ, պատրաստ է ստուգել այդ քարտեզների ճշգրտությունը միջազգային փորձագետների ներգրավմամբ»: Աղբյուրը` Անի Բադալյան |
Նոր նշանակում՝ ՊՆ-ում
24210.10.2025, 22:06Հատուկ բանակային կորպուսի շտաբի պետն ազատվել է պաշտոնից
23710.10.2025, 22:00Նիկոլ Փաշինյանն աշխատանքային այցով ժամանել է Տաջիկստան
24810.10.2025, 01:00Լիտվան բողոքի նոտա է հղել ՌԴ-ին
28609.10.2025, 20:08Գարեգին Երկրորդն ընդունել է Արցախի պետական այրերին
32908.10.2025, 16:42Նիկոլ Փաշինյանը կմեկնի Բրյուսել (տեսանյութ)
21508.10.2025, 15:48ՀԾԿՀ-ն 10 մլն դրամով տուգանել է «Տելեկոմ Արմենիա»-ին
24308.10.2025, 14:24ԲԿ-ի բաժանմունքի վարիչը կաշառք է ստացել հղիության ապօրինի ընդհատման համար
19808.10.2025, 11:42