«Ադրբեջանը չի կատարի Եվրոպական դատարանի որոշումները». Ալիև

Ադրբեջանը չի կատարի Եվրոպական դատարանի կայացրած որոշումները, այս մասին «Դեպի նոր աշխարհակարգ» թեմայով միջազգային համաժողովի ժամանակ հայտարարել է Ադրբեջանի նախագահ Իլհամ Ալիևը: Նրա խոսքով՝ պատճառը ԵԽԽՎ-ում ադրբեջանական պատվիրակության լիազորությունների դադարեցումն է: «Եթե պատվիրակությունը չի մասնակցում Վեհաժողովի նիստերին և չի կարող քվեարկել ՄԻԵԴ դատավորների ընտրությանը, ապա Ադրբեջանի վերաբերյալ այս դատարանի որոշումները կհամարվեն անվավեր։ Մենք զրկված ենք ձայնի իրավունքից»,- ասել է նա։