ՈՒԵՖԱ-ն տուգանել է Վրաստանի ֆուտբոլի հավաքականին

ՈՒԵՖԱ-ն 40 հազար եվրոյով տուգանել է Վրաստանի ֆուտբոլի ֆեդերացիային՝ մարտի 23-ին Հայաստանի հավաքականի հետ պատասխան խաղի ընթացքում տեղի ունեցած միջադեպի պատճառով։

ՈՒԵՖԱ-ի որոշմամբ՝ Ազգերի լիգայի հաջորդ տնային հանդիպումը կանցկացվի առանց հանդիսատեսի։

Հիշեցնենք, որ Ազգերի լիգայի անցումային փլեյ-օֆի պատասխան խաղում Վրաստանի հավաքականը 6:1 հաշվով հաղթեց Հայաստանի հավաքականին:

Խաղից հետո մի խումբ դեռահասներ մտան խաղադաշտ և վազեցին դեպի վրացի ֆուտբոլիստները: Ֆուտբոլիստների՝ հանդերձարան գնալուց հետո այդ դեռահասները գնացին հայ երկրպագուների սեկտորի կողմ ու սկսեցին պլաստիկե և մետաղական տարաներ նետել հայերի ուղղությամբ: