Երկուշաբթի, 20 ապրիլի, 2026 թ.
|
Ստեփանակերտում`   +8 °C

«Իրանի հետ բանակցությունները լավ են ընթանում»․ Թրամփ

«Իրանի հետ բանակցությունները լավ են ընթանում»․ Թրամփ
358
Կիրակի, 13 ապրիլի, 2025 թ., 10:01

ԱՄՆ նախագահ Դոնալդ Թրամփը դրական է գնահատել իրանական կողմի հետ բանակցությունների ընթացքը։ Հիշեցնենք՝ ապրիլի 12-ին Օմանում կայացել է Թեհրանի և Վաշինգտոնի հանդիպումների առաջին փուլը։ Երկրորդ փուլը նախատեսված է հաջորդ շաբաթ օրը։

«Բանակցությունները լավ են ընթանում: Բայց սա ոչինչ չի նշանակում, քանի դեռ նպատակին չենք», - ասել է Թրամփը՝ ինքնաթիռում լրագրողների հարցերին պատասխանելով:

Նշենք, որ Օմանում կայացած բանակցություններում Իրանի պատվիրակությունը գլխավորում էր արտգործնախարար Աբբաս Արաղչին, իսկ ամերիկյան պատվիրակությունը՝ ԱՄՆ նախագահի հատուկ բանագնաց Սթիվ Ուիթքոֆը։ Քննարկումը ծավալվել է Իրանի միջուկային ծրագրի և այդ երկրի դեմ պատժամիջոցների վերացման շուրջ։ Երկուստեք նշվել է հանդիպման կառուցողական բնույթը։