Ռուսաստանը և Ուկրաինան Անկարայում կքննարկեն սևծովյան նավագնացության անվտանգությունը

Ռուսաստանն ու Ուկրաինան ապրիլի 15-16-ը Անկարայում բանակցություններ կվարեն Սև ծովում նավագնացության անվտանգության վերաբերյալ։ Այս մասին հայտնում է CNN Turk-ը՝ հղում անելով Թուրքիայի պաշտպանության նախարարության աղբյուրներին։
«Ապրիլի 15-16-ը Անկարայում Թուրքիայի ռազմածովային ուժերի շտաբում բանակցություններ կանցկացվեն Ռուսաստանի Դաշնության և Ուկրաինայի ներկայացուցիչների միջև Սև ծովում անվտանգության վերաբերյալ»,- ասվում է հաղորդագրության մեջ։

Կիրակի ավելի վաղ Թուրքիայի արտգործնախարար Հաքան Ֆիդանը հայտարարել էր, որ երկրի դռները բաց են Մոսկվայի և Կիևի միջև բանակցությունների համար, եթե կողմերը համաձայնության գան։

Հիշեցնենք, որ Ռուսաստանի և ԱՄՆ-ի միջև մարտի 24-ին Էր Ռիադում կայացած բանակցությունների ընթացքում քննարկվել են Սև ծովում անվտանգ նավագնացության հարցեր։