«ՌԴ-ն ողջունում է Իրան-ԱՄՆ բանակցությունները»․ Պեսկով

466

Շաբաթ, 19 ապրիլի, 2025 թ., 16:23

ՌԴ նախագահի մամուլի քարտուղար Դմիտրի Պեսկովը հայտարարել է, որ Ռուսաստանը ողջունում է Իրանի և ԱՄՆ-ի միջև անուղղակի բանակցությունների գործընթացի սկիզբը և աջակցում է դրանց շարունակմանը՝ հաշվի առնելով կողմերի շահերը և փոխադարձ հարգանքը։ Այս մասին գրում է IRNA գործակալությունը։

Մենք համոզված ենք, որ բոլոր հարցերը պետք է լուծվեն բացառապես քաղաքական և դիվանագիտական միջոցներով»,- ասել է Դմիտրի Պեսկովը։

Նա ընդգծել է, որ Ռուսաստանն իր առաջնահերթություններից է համարում իրանական միջուկային հիմնախնդրի խաղաղ կարգավորումը և կգործադրի բոլոր հնարավոր ջանքերը՝ նպաստելու բանակցային գործընթացին։

Հիշեցնենք՝ այսօր Հռոմում մեկնարկել է Իրանի եւ ԱՄՆ-ի միջև բանակցությունների երկրորդ փուլը։ Իրանի պատվիրակությունը գլխավորում է երկրի արտգործնախարարության ներկայացուցիչ Աբբաս Արաղչին, իսկ ամերիկյան պատվիրակությունը՝ ԱՄՆ նախագահ Դոնալդ Թրամփի հատուկ ներկայացուցիչ Սթիվ Ուիթքոֆը։