«Վաղվա բանակցություններում Կիևը ձգտելու է անվերապահ հրադադարի». Զելենսկի

Չորեքշաբթի օրը Լոնդոնում բանակցություններ կսկսվեն Ուկրաինայի հակամարտության կարգավորման շուրջ։ Այդ մասին Վլադիմիր Զելենսկին հայտարարել է Մեծ Բրիտանիայի վարչապետ Քիր Սթարմերի հետ հեռախոսազրույցից հետո։ «Արդեն այս չորեքշաբթի մեր ներկայացուցիչները կաշխատեն Լոնդոնում,- գրել է նա X-ում։- Ուկրաինա, Մեծ Բրիտանիա, Ֆրանսիա և ԱՄՆ:
Մենք պատրաստ ենք առաջ շարժվել հնարավորինս կառուցողականորեն, ինչպես նախկինում արել ենք՝ հասնելու համար անվերապահ զինադադարի, որին կհաջորդի իրական և տևական խաղաղության հաստատումը։
Շնորհակալ եմ մեր բոլոր գործընկերներին, ովքեր օգնում են։ Անվերապահ զինադադարը պետք է լինի առաջին քայլը դեպի խաղաղություն, և այս Զատիկը պարզ դարձրեց, որ Ռուսաստանի գործողություններն են, որ երկարացնում են պատերազմը»:
RBC-Ukraine գործակալության փոխանցմամբ՝ պատվիրակության կազմում կլինեն Զելենսկու գրասենյակի ղեկավար Անդրեյ Երմակը, նրա տեղակալ Պավլո Պալիսան, արտաքին գործերի նախարար Անդրեյ Սիբիգան և պաշտպանության նախարար Ռուստեմ Ումերովը։ Հենց այս կազմն էր ներկայացնում Ուկրաինան Սաուդյան Արաբիայում կայացած նախորդ բանակցություններում և արժանացել էր Զելենսկու հավանությանը։
Ավելի վաղ The Wall Street Journal-ը հայտնել էր, որ Լոնդոնում կայանալիք հանդիպմանը մասնակցելու է ԱՄՆ-ի նախագահի հատուկ բանագնաց Սթիվեն Վիթքոֆը։ Ակնկալվում է, որ ամերիկյան կողմի կազմում կլինեն նաև պետքարտուղար Մարկո Ռուբիոն և Ուկրաինայի հարցով հատուկ բանագնաց Քիթ Քելլոգը։ Եթե խորհրդակցություններից հետո Վաշինգթոնի, Եվրոպայի և Կիևի դիրքորոշումները համընկնեն, Վիթքովը կարող է մեկնել Ռուսաստան։

«Իշխանության աջակիցների հետ ես ունեմ քաղաքական, մարդկային, քաղաքակրթական անհամատեղելիություն». Նարեկ Գալստյան
7203:06
«Հայաստանը որևէ հիդրո ծրագիր իրականացնելիս պետք է հաշվի առնի նաև հարևանի շահերն ու հետաքրքրություննները». Թաթուլ Հակոբյան
125Երեկ, 20:30
«Եռակողմ բանակցությունների ընդլայնման հարցը Ռուսաստանի հետ չի համաձայնեցվել». Ուշակով
207Երեկ, 19:49
«Ոնց որ կորցրել ա բանանը․ ես հոգեբույժ չեմ, չեմ կարող պատասխանել»․ Էդգար Ղազարյան (տեսանյութ)
140Երեկ, 17:36
«Իր գազի կալոնկայի տեղը կարող ա ինքը գիտի, իմի տեղը որ ցույց տա՝ ուրախ կլինեմ»․ Էդգար Ղազարյան (տեսանյութ)
145Երեկ, 17:30
«Ցանկացած մեկը, ով կպնում է ընտանիքին, պետք իմանա, որ պատասխան տալու է»․ Արա Պողոսյան (տեսանյութ)
114Երեկ, 17:24
«Պուտինի, Թրամփի և Սի Ծինփինի հանդիպումը տեղի կունենա առանց նախապես համաձայնեցված օրակարգի»․ #FT
278Երեկ, 17:13
«Եթե էս ռոբոտին ուղարկենք բանակցությունների, ավելի լավ արդյունքներ կունենանք»․ Սաթիկ Սեյրանյան (տեսանյութ)
109Երեկ, 17:06