«Թրամփ պաշտպանած շրջանակները «շոկի» մեջ են»․ Ստյոպա Սաֆարյան

Քաղաքագետ Ստյոպա Սաֆարյանի ֆեյսբուքյան գրառումը. «ԱՄՆ-ում ու Հայաստանում Թրամփ պաշտպանած, ընտրած, այդ թվում ռուսամետ շրջանակները «շոկի» մեջ են ընկել ու զայրացել, որ Թրամփն իր ապրիլ 24-յան ուղերձում չի օգտագործել Ցեղասպանություն բառը։ Հա բայց դուք ինչո՞ւ եք ընդվզում։ Ձեր պաշտպանած թեկնածուն է ու վայելեք։ Թող զարմանան ու զայրանան նրանք, ովքեր գիտեին, թե ԱՄՆ ընտրություններում ում և ինչու էին պաշտպանում։ Մենք ունենք այն, ինչ դուք ուզում էիք։ Ու 3 մանեթանոց լացեր պետք չեն։ Ամբողջ կյանքում գործարքներով հետաքրքրված ու այժմ էլ ամեն ինչ գործարք պատկերացնող մարդուն ոչ մի սենտիմենտալ կամ արժեքային բան չեն հետաքրքրում։ Այնպես որ մտածեք, թե իր աշխարհընկալման կամ շահերի դաշտում մենք ինչ ու ինչի շուրջ կարող ենք գործարք առաջարկել»։