«Մեր ռազմավարությունը կշարունակենք, մինչև խաղաղության համաձայնագիրը ստորագրվի». Նիկոլ Փաշինյան

«Ադրբեջանի հետ խաղաղության համաձայնագրի ստորագրման հարցով մեր կառավարությունը, անձամբ ես աշխատում ենք ամենօրյա ռեժիմով»,- Էստոնիայի վարչապետ Քրիստեն Միխալի հետ համատեղ ասուլիսի ժամանակ ասել է ՀՀ վարչապետ Նիկոլ Փաշինյանը՝ ի պատասխան այն հարցի, թե ինչն է խանգարում Ադրբեջանի հետ խաղաղության համաձայնագրի ստորագրմանը:

«Մենք հետևողական և վճռական ենք՝ այդ հարցում մեր անելիքը անել լիարժեք ձևով, հետևողական և համբերատար: Մենք այս ռազմավարությունը կշարունակենք այնքան ժամանակ, մինչև նպատակը՝ խաղաղության համաձայնագիրը ստորագրվի, և խաղաղությունը հաստատվի»,- նշել է վարչապետը՝ հավելելով, որ չեն շեղվելու այս ճանապարհից: