«Բարձրաստիճան պաշտոնյաների մեծ մասը չշնորհավորեց լրագրողական համայնքին». Գրիգոր Երիցյան

Երևանի ավագանու նախկին անդամ Գրիգոր Երիցյանի ֆեյսբուքյան գրառումը. «Բարձրաստիճան ոչ մի պաշտոնյա չշնորհավորեց լրագրողական համայնքին մամուլի ազատության միջազգային օրվա կապակցությամբ՝ չնայած որ նրանց զգալի մասը, այդ թվում՝ վարչապետն ու նրա տիկինը, այս մասնագիտական համայնքից են:
Այս վերաբերմունքը լիովին տեղավորվում է մամուլի նկատմամբ օրվա քաղաքական էլիտայի մոտեցումներում:
Շնորհավորում եմ ծանոթ և անծանոթ լրագրողներին, խմբագիրներին, մեդիա ոլորտի ներկայացուցիչներին և զորակցությունս եմ հայտնում հատկապես ամենից հաճախ պաշտոնատար անձանց կողմից թիրախավորվող «Ազատություն» ռադիոկայանին, «Սիվիլնեթ»-ին «Հետք»-ին, «Ֆակտոր»-ին և մյուսներին, ովքեր մշտապես իրենց դիրքերում են:
Չնայած մամուլը վարկաբեկելու և ազատ խոսքը սահմանափակելու մշտական ջանքերին՝ ձեր ամենօրյա աշխատանքը անգնահատելի է և չափազանց կարևոր»: