«Ազատ մամուլ չի եղել, չկա և չի լինելու». Վահրամ Աթանեսյան

Քաղաքական վերլուծաբան Վահրամ Աթանեսյանի ֆեյսբուքյան գրառումը. «Համալսարանը սովորեցնո՞ւմ է բանաստեղծություն, պատմվածք, էսսե կամ վեպ գրել: Ոչ, իհարկե: Գրող ծնվում են: Նույնը՝ ժուռնալիստիկան, որ եթե սովորովի լիներ՝ «մսագործի շունը մսագործ կդառնար»: Մամուլի ազատության միջազգային օրն է: Աշխարհի հնարած ստերից մեկը, որովհետև ազատ մամուլ չի եղել, չկա և չի լինելու: Ազատ չէ անգամ գեղարվեստական գրականությունը: Որովհետև մարդը, որպես «հանրային կենդանի» կաշկանդված է բարեվարքության, համակեցության գրված և չգրված կանոններով: Եվ արդեն իսկ կոնյունկտուրային է: «Քո ազատության սահմանը իմ ազատության սահմանն է» (Հրանտ Մաթևոսյան): Իսկ ավելի հներն ասում էին. «Ազատությունը գիտակցված անհրաժեշտությունն է»: Չգիտակացված անհրաժեշտությունը խախտում է դիմացինի ազատության սահմանը: Հիշո՞ւմ եք Վարդգես Պետրոսյանի սահմանած նշաձողը. «ստորագրության պատիվը»»: