««Արևմտյան Ադրբեջան» ալիևյան արհեստածին թեզը վերաբերում է Հայաստանի տարածքներին»․ «ՀայաՔվե»

«ՀայաՔվե»-ի թելեգրամյան գրառումը․ «Արցախը բռնազավթվեց և հայաթափվեց, իսկ ահա ադրբեջանցիների՝ Հայաստանում բնակեցման դրույթը քննարկվում է։

•Սա տեղավորվում է «Արևմտյան Ադրբեջանի» ալիևյան արհեստածին թեզի մեջ, որը վերաբերում է Հայաստանի տարածքներին։ Բացի այդ, Փաշինյանը քանիցս հայտարարել է, որ Ադրբեջանը հավակնություններ ունի ընդհուպ մայրաքաղաք Երևանի նկատմամբ, ընդ որում՝ դա ոչ միայն արտաքին լսարանին ուղղված հռետորաբանություն է, այլև դիվանագիտական փակ հանդիպումների քննարկման առարկա։

• Եթե դուրս գանք Փաշինյանի մանիպուլյացիոն, անազնիվ շղարշից, պետք է հիմնվենք միջազգային ատյաններում հնչած լուրջ խոսակցությունների և մոտեցումների վրա։ Ի սկզբանե պարզ է, որ այսպես կոչված «խաղաղության պայմանագիրը» չի մշակվել Երևանում կամ միջնորդ որևէ երկրում։ Այն մշակվել է Ադրբեջանի ԱԳՆ-ում:

Վարչախումբը, հասկանալով, որ չի կարող առարկել դրանց, հայտարարել է, որ սկզբունքային տարակարծություններ չունի այդ դրույթների հետ։ Աննախադեպ երևույթ է, որ Ադրբեջանի ԱԳՆ-ում ստեղծված փաստաթղթի վերաբերյալ հայկական կողմը որևէ վերապահում չունի»։