Երկուշաբթի օրվանից թիվ 8 դպրոցում պատշաճ դասապրոցես կկազմակերպի

Երկուշաբթի օրվանից Երևանի Պուշկինի անվան թիվ 8 հիմնական դպրոցի տնօրենի պարտականություններն իրականցնողը պարտավորվել է պատշաճ պրոցես կազմակերպել, բաց թողած դասերը լրացնել։ Այս մասին «Նյուզ»-ի հետ զրույցում ասել է Քաղաքապետարանի կրթության վարչության պետ Մարգարիտա Խաչատրյանը։
«Նշանակված տնօրեն չկա դպրոցում, կա պարտականությունները կատարող, որը տնօրենի՝ ուսումնական գծով տեղակալներից մեկն է։ Ընթանում է մրցույթային գործընթաց»,- հավելել է նա։

Նրա խոսքով, մրցույթին մասնակցել է միայն դպրոցի արդեն նախկին տնօրեն Նատալյա Ստեփանյանը։«Դպրոցի նախկին տնօրենը երեկ հարցազրույցի փուլում հաղթող չի ճանաչվել։ Բայց սա չի նշանակում, որ նոր մարդ է նշանակվում, նոր ժամանակավոր պաշտոնակատար և այլն։ Դա բացարձակ սուտ է, ոչ մի նման պլան, ցանկություն ու անհրաժեշտություն չկա։
Հիշեցնենք, որ այսօր առավոտվանից Երևանի Պուշկինի անվան թիվ 8 դպրոցի աշակերտները դասադուլ էին հայտարարել, նրանք պահանջում էին չեղյալ համարել դպրոցի տնօրեն Նատալիա Սարգսյանին աշխատանքից ազատելու որոշումը։ Ծնողներն էլ իրենց հերթին ստորագրահավաք են կազմակերպել։
Առավել մանրամասն՝ սկզբնաղբյուրում: