Թրամփը չի խստացնի ՌԴ-ի դեմ պատժամիջոցները

ԱՄՆ նախագահ Դոնալդ Թրամփը հայտարարել է, որ չի խստացնի Ռուսաստանի դեմ պատժամիջոցները, քանի որ Ուկրաինայի հարցում կարգավորման հասնելու հնարավորություն կա։

«Կարծում եմ՝ կա հնարավորություն ինչ-որ բանի հասնելու», - Սպիտակ տանը լրագրողներին ասել է Թրամփը։

Հարցին, թե ինչու նա դեռ չի խստացրել Ռուսաստանի դեմ պատժամիջոցները, Թրամփը պատասխանել է․ «Եթե դա անենք (նոր պատժամիջոցներ սահմանենք), կարող ենք իրավիճակը վատթարացնել»։

Միևնույն ժամանակ, նա նշել է, որ «կարող է գալ ժամանակ, երբ դա (պատժամիջոցների խստացումը) տեղի կունենա»։

Երկուշաբթի Ռուսաստանի նախագահ Վլադիմիր Պուտինը և ԱՄՆ նախագահ Դոնալդ Թրամփը հեռախոսազրույց են ունեցել։ Այն տևել է ավելի քան երկու ժամ։ ՌԴ նախագահը բարձր է գնահատել ԱՄՆ նախագահի հետ զրույցը և այն անվանել կառուցողական։