«Ջրհեղեղից մեկ տարի անց միջպետական ճանապարհի քանդված տեղերը չեն վերականգնել». Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը․ «Ջրհեղեղից մեկ տարի անց միջպետական ճանապարհի քանդված տեղերը չեն վերականգնել, մարզպետարանում էլ անտեղյակ են, թե երբ կվերականգնվեն
Տավուշի մարզպետ Հայկ Ղալումյանին հարցրել եմ՝ 2024թ․ մայիսի 27-ի ջրհեղեղից Դիլիջան-Իջևան հատվածում ավտոճանապարհի եզրի քանդված հատվածների նորոգման աշխատանքների մրցույթներում ո՞ր կազմակերպություններն են հաղթել, դրանք ե՞րբ են նորոգելու քանդված տեղերը։ Մարզպետարանից պատասախանել են․ «Հարցի վերաբերյալ տեղեկացնում եմ, որ ՀՀ Տավուշի մարզպետի աշխատակազմը պատվիրատու չի հանդիսանում: Վթարված ճանապարհաեզրի մրցույթների կազմակերպիչը հանդիսանում է Ճանապարհային դեպարտամենտը, առաջարկում ենք դիմել պատվիրատուին»: Տավուշի մարզպետարանում այս կարևոր խնդրից անտեղյակ են, սակայն պետական բյուջեից տարեկան ավելի քան 65 միլիոն դրամ պարգևավճար են ստանում»: