«Կառավարության շենքն էլ ենք վարձակալությամբ վերցնելո՞ւ»․ Նիկոլ Փաշինյան

«Այսինքն՝ կառավարության շենքն էլ ենք վարձակալությամբ վերցնելո՞ւ»,- պետական մարմիններին անշարժ գույքը վարձակալությամբ տրամադրվելու վերաբերյալ նախագծի քննարկման ժամանակ հետաքրքրվեց վարչապետ Նիկոլ Փաշինյանը։
Նշենք, որ ըստ Կառավարության առաջարկած նախագծի Հայաստանում պետական մարմիններն ու կազմակերպությունները պետական գույքն օգտագործում են ոչ արդյունավետ ու մասնակի, ըստ նոր կարգավորման՝ պետական մարմիններին անշարժ գույքը տրամադրվելու է վարձակալությամբ, իսկ վճարներն ուղղվելու են պետական բյուջե։

Նիկոլ Փաշինյանը կարևորեց նախագիծը նաև սոցիալ-հոգեբանական դիտանկյունից․ «Ընդհանրապես, ձրի հասկացությունների հետ կապված մենք մեր վերաբերմունքը պետք է ճշգրտենք, նախ՝ ոչ մի բան բացարձակապես անվճար չէ, կամ այն, ինչ անվճար է, նշանակում է, որ արժեք չունի։ Ցանկացած արդյունքի համար պետք է վճարել, իսկ թե ով է վճարում՝ դա ուրիշ խնդիր է»,- ասաց նա։