Երկուշաբթի, 20 ապրիլի, 2026 թ.
|
Ստեփանակերտում`   +8 °C

«Վաշինգթոնը պատրաստ է կանխել ՆԱՏՕ-ի ընդլայնումը դեպի ՌԴ-ի սահմաններ»․ Քելլոգ

«Վաշինգթոնը պատրաստ է կանխել ՆԱՏՕ-ի ընդլայնումը դեպի ՌԴ-ի սահմաններ»․ Քելլոգ
494
Ուրբաթ, 30 մայիսի, 2025 թ., 11:14

ԱՄՆ նախագահի հատուկ բանագնաց Քիթ Քելլոգը հիշեցրել է, որ Միացյալ Նահանգները բազմիցս հայտարարել է, որ Ուկրաինայի անդամակցությունը ՆԱՏՕ-ին քննարկման ենթակա չէ։ Նրա խոսքով՝ Վաշինգտոնը պատրաստ է կանխել դաշինքի ընդլայնումը դեպի Ռուսաստանի սահմաններ։

Ռուսաստանի մտահոգությունները Հյուսիսատլանտյան դաշինքի արևելք ընդլայնման վերաբերյալ արդարացված են, ABC-ին ասել է նա․ «Սա արդարացի մտահոգություն է։ Մենք բազմիցս ասել ենք, որ Ուկրաինայի անդամակցության հարցը ՆԱՏՕ-ին քննարկման ենթակա չէ», - ասել է Քելլոգը։

Այս դիրքորոշմանն է ոչ միայն Միացյալ Նահանգները, այլև դաշինքի առնվազն չորս այլ անդամներ, նշել է Քելլոգը։ Նա հիշեցրել է, որ նոր անդամ ընդունելու համար անհրաժեշտ է բոլոր 32 երկրների հավանությունը։ «Մենք տեսել ենք, թե ինչպես են այլ երկրներ ասում, որ մենք այդքան էլ վստահ չենք այս հարցում», - հավելել է հատուկ դեսպանորդը։
Ռոյթերսը նախորդ օրը, հղում անելով աղբյուրներին, հաղորդել էր, որ նախագահ Վլադիմիր Պուտինը «պատրաստ է խաղաղություն կնքել, բայց ոչ ցանկացած գնով» և կցանկանար արևմտյան երկրներից գրավոր պարտավորություն ստանալ ՆԱՏՕ-ն դեպի արևելք չընդլայնելու՝ Ուկրաինայի, Վրաստանի և Մոլդովայի հաշվին։