Թրամփն արգելել է բողոքի ցույցերի ժամանակ դիմակ կրել

ԱՄՆ նախագահ Դոնալդ Թրամփը շնորհակալություն է հայտնել Ազգային գվարդիային Կալիֆոռնիայում անկարգությունները ճնշելու համար: Հայտարարությունը հրապարակվել է նրա Truth Social սոցիալական ցանցի էջում։

«Ազգային գվարդիան հիանալի աշխատանք կատարեց Լոս Անջելեսում երկու օր տևած բռնությունից, բախումներից և անկարգություններից հետո: Անգործունակ (Կալիֆոռնիայի) նահանգապետ Գևին Նյուսոմը և (.Լոս Անջելեսի) քաղաքապետ Կարեն] Բասը, ինչպես միշտ, (...) չկարողացան կատարել իրենց աշխատանքը: Ոչ ոք չի հանդուրժի այս ձախակողմյան բողոքի ցույցերը», - ասել է Թրամփը։

Նա նաև հայտարարել է, որ արգելք է դրել բողոքի ցույցերի ժամանակ դիմակ կրելու վրա։

Ավելի վաղ հայտնի էր դարձել, որ Թրամփը որոշել է ուղարկել ԱՄՆ Ազգային գվարդիայի երկու հազար զինվորների՝ Կալիֆոռնիայում բողոքի ցույցերը ցրելու համար: Ի պատասխան՝ նահանգապետը հայտարարել է, որ նման միջոցառումը միայն կմեծացնի լարվածությունը։

Հիշեցնենք՝ Հունիսի 6-ին Լոս Անջելեսում տեղի էին ունեցել անօրինական ներգաղթյալների զանգվածային ձերբակալություններ: Քաղաքում սկսվել էին ցույցեր, որոնց ընթացքում տեղի էին ունեցել բախումներ ցուցարարների և ոստիկանության միջև: Սպիտակ տունը տեղի ունեցածը անվանել էր ապստամբություն։