Շաբաթ, 31 հունվարի, 2026 թ.
|
Ստեփանակերտում`   +12 °C

«ԱՄՆ-ն պատրաստվում է Իրանի հնարավոր պատասխանին». #NBC

«ԱՄՆ-ն պատրաստվում է Իրանի հնարավոր պատասխանին». #NBC
316
Կիրակի, 22 հունիսի, 2025 թ., 12:50

Թրամփի վարչակազմը ակնկալում է, որ Իրանը կարձագանքի իր միջուկային օբյեկտների վրա ավիահարվածներին առաջիկա երկու օրվա ընթացքում, հաղորդում է NBC News-ը՝ հղում անելով աղբյուրներին։

Պենտագոնի երկու պաշտոնյաների և Սպիտակ տան բարձրաստիճան պաշտոնյայի խոսքով՝ պարզ չէ, թե արդյոք «պատասխան գործողությունները» ուղղված կլինեն արտաքին, թե՞ ներքին թիրախներին, թե՞ երկուսին էլ։ Միևնույն ժամանակ, հաջորդ 48 ժամերը «հատկապես մտահոգիչ» են։
Այս շաբաթ երկու պաշտոնյաներ հայտարարել են, որ Իրանն արդեն իսկ պատրաստել է Մերձավոր Արևելքում գտնվող ամերիկյան բազաների և օբյեկտների վրա հարձակվելու ծրագրեր։ Միևնույն ժամանակ, նրանց խոսքով, չկա որևէ ցուցում, որ այդ ծրագրերը շուտով կիրականացվեն։

Ամերիկյան ռազմական օբյեկտները ամիսներ շարունակ գտնվում են բարձր պատրաստվածության վիճակում։ Սակայն, հունիսի 13-ին Իսրայելի և Իրանի միջև պատերազմի սկսվելուց ի վեր, Թեհրանի կամ տարածաշրջանում նրա դաշնակիցների կողմից հնարավոր հարձակումների վախերն ավելի են մեծացել։