«Աշոտ Փաշինյանի գրառումները «ինքնաբուխ» չեն»․ Հակոբ Բադալյան

Քաղաքական մեկնաբան Հակոբ Բադալյանի թելեգրամյան գրառումը․ «Աշոտ Փաշինյանը, որ շատ երկար ժամանակ չի եղել հանրային որևէ ուշադրության կենտրոնում, վերջին իրադարձությունների առիթով կարծես թե արդեն երկրորդ անգամ է արտահայտվում հրապարակավ, ու արտահայտվում է բավականին «հրահրող» տոնայնությամբ: «Հրահրող», նկատի ունեմ հանրային վրդովմունք հրահրող, թեև, իհարկե, հանրության այն հատվածում, որը տրամադրված է իշխանության հանդեպ ընդդիմադիր:

Որովհետև, իշխանության համակիր հանրությունն, իհարկե, ծափահարելու է Աշոտ Փաշինյանի գրառումները:

Կարծում եմ, որ հանրայնությունից տևական ժամանակ հեռու մնացած Աշոտ Փաշինյանի գրառումները «ինքնաբուխ» չեն: Դրանք միտված են թերևս գոյություն ունեցող էմոցիոնալ ֆոնը սրելուն»։