«10% հավելյալ մաքսատուրք կսահմանվի BRICS-ին աջակցող երկրների նկատմամբ»․ Թրամփ

1661

Երկուշաբթի, 07 հուլիսի, 2025 թ., 11:10

Վաշինգթոնը 10% մաքսատուրք կսահմանի այն երկրների համար, որոնք կաջակցեն BRICS-ի «հակաամերիկյան» քաղաքականությանը, հայտնել է ԱՄՆ նախագահ Դոնալդ Թրամփը՝ Truth Social սոցիալական ցանցում։

«BRICS-ի հակաամերիկյան քաղաքականությանն աջակցող ցանկացած երկիր կենթարկվի լրացուցիչ 10% մաքսատուրքի։ Այս քաղաքականության համար բացառություններ չեն լինի»,- գրել է քաղաքական գործիչը։

BRICS-ը միջպետական միավորում է, որը ստեղծվել է 2006 թվականին Ռուսաստանի, Չինաստանի, Հնդկաստանի և Բրազիլիայի կողմից, 2011 թվականին միացել է Հարավային Աֆրիկան, ապա Եգիպտոսը, ԱՄԷ-ն, Եթովպիան, Իրանը, իսկ 2025 թվականի հունվարից՝ Ինդոնեզիան։