Մեքսիկան հույս ունի համաձայնության հասնել ԱՄՆ-ի հետ՝ մաքսատուրքերի հարցում

Մեքսիկայի նախագահ Կլաուդիա Շեյնբաումը վստահություն է հայտնել, որ իր կառավարությունը կկարողանա համաձայնության գալ Միացյալ Նահանգների հետ և կանխել մեքսիկական ապրանքների վրա ներմուծման մաքսատուրքերի սահմանումը: Այս մասին նա ասել է Սոնորա նահանգ կատարած աշխատանքային այցի ժամանակ՝ մեկնաբանելով ԱՄՆ նախագահ Դոնալդ Թրամփի՝ օգոստոսի 1-ից Մեքսիկայից ներմուծման վրա 30% մաքսատուրքեր սահմանելու որոշումը:

«Մեքսիկայից ներմուծման վրա ԱՄՆ մաքսատուրքերը հայտարարվել են օգոստոսի 1-ի համար, բայց մենք կարծում ենք, որ, դատելով մեր ամերիկացի գործընկերների հետ երեկվա բանակցություններից, կկարողանանք համաձայնության գալ ԱՄՆ կառավարության հետ և հասնել ավելի լավ պայմանների: Նման իրավիճակներում կարևոր է պահպանել սառնասրտությունը՝ ցանկացած դժվարություն հաղթահարելու համար», - ասել է Շեյնբաումը:

Պետության ղեկավարը նշել է, որ մեքսիկա-ամերիկյան երկկողմ խմբի աշխատանքն արդեն սկսվել է։