«Աղավնոն հանձնածները մարդկանց տանում, Կիրանցի դպրոցն են ցույց տալիս»․ Հովհաննես Իշխանյան

Հասարակական գործիչ, ռեժիսոր Հովհաննես Իշխանյանի ֆեյսբուքյան գրառումը. «Լուսանկարում մեկը Կիրանցի դպրոցն է, մյուսը՝ Աղավնոյի։
Աղավնոյի դպրոցը սիրուն-սիրուն ներկել էին, վրան էլ գրել՝ մենք պարում ենք և կպարենք:
Գյուղը հանձնելուց, էրեխեքը լացելով ջնջեցին գրածը, լացակումած վառեցին տետրերը:
Հիմա Աղավնոն հանձնածները Երևանից մարդկանց տանում են, ցույց տալիս Կիրանցի դպրոցը:
«Տեսեք, ինչ գեղեցիկ է, տեսեք ինչ անհոգ են մարդիկ»
Իրանք էլ գալիս են Երևան ու պատմում. «Ընդամենը 30 մետրի վրա է ադրբեջանցին, և մի անհոգ կյանք»:
Արցախը հանձնելու ժամանակ հաղթանակի վարդագույն ակնոց էին հագցրել, Արցախը հանձնելուց առաջ «100 տուն Արցախին» վարդագույն ծրագրով էին թոզ փչում: Հիմա Հայաստանի հայաթափման համար Կիրանցի դպրոց են հագցնում մարդկանց դեմքին:
Եվ տեսնողը չի ասում՝ ի՞նչ գույնզգույն դպրոց, դուք մարդկանցից սեփականություն եք խլել, դուք սահմանադրության 14-րդ, 205-րդ հոդված եք խախտել, դուք տիկին Խաթումի տունն եք խլել, դուք խախտել եք Հակաստանի բոլոր քաղաքացիների իրավունքները,
այդ թվում՝ մեր:
Մենք չկարողացանք համոզել, որ էդ թոզ փչոցին հայաթափելու համար է, որ բթացնեն դիմադրությունը, որ անխոչընդոտ հայաթափեն:
Հիմա, երբ պարզ է, որ բացատրելով հնարավոր չէ աղետները և իրավունքներիս ոտնահարումը կանխելը, մնում է առանց բացատրելու վերականգնել արդարությունը:
ՔՊ-ն, եթե անգամ ամենաշատ ձայնը ստանա ընտրություններում, չի հաղթելու:
Իսկ հայկական դպրոցներում կրկին կգրվի, որ մենք պարել ենք ու պարելու ենք»: