«ԵՄ-ԱՄՆ համաձայնագիրը ֆիասկո է Եվրոպայի համար»․ Լը Պեն

1757

Երկուշաբթի, 28 հուլիսի, 2025 թ., 10:33

Վաշինգթոնի և Բրյուսելի միջև կնքված առևտրային համաձայնագիրը ֆիասկո է Եվրոպայի համար։ Այս մասին գրել է Ֆրանսիայի «Ազգային միավորում» խորհրդարանական խմբակցության ղեկավար Մարին Լը Պենը X-ում։

«Ուրսուլա ֆոն դեր Լայենի և Դոնալդ Թրամփի միջև կնքված առևտրային համաձայնագիրը քաղաքական, տնտեսական և բարոյական ֆիասկո է»,- մեկնաբանել է Լը Պենը՝ ընդգծելով, որ ԵՄ ինքնիշխանությունը նման անհամաչափ համաձայնագրից հետո նկատելիորեն լղոզվում է, իսկ «բրյուսելական բյուրոկրատիայի» ծանրության տակ այն ընդհանրապես ոչնչացվում է։

Նախօրեին ԱՄՆ նախագահ Դոնալդ Թրամփը Եվրոհանձնաժողովի ղեկավար Ուրսուլա ֆոն դեր Լայենի հետ հանդիպումից հետո հայտարարել է, որ ԱՄՆ-ն ու ԵՄ-ն համաձայնության են եկել, որ Միացյալ Նահանգներ ներմուծվող եվրոպական ապրանքների նկատմամբ մաքսատուրքը կկազմի 15%, մինչդեռ ԵՄ-ն մաքսատուրքեր չի գանձի ամերիկյան ապրանքներից։