«Հնարավոր է՝ ուրբաթ հայտարարվի խաղաղության համաձայնագրի մասին». #WP

9881

Չորեքշաբթի, 06 օգոստոսի, 2025 թ., 10:51

ԱՄՆ նախագահ Դոնալդ Թրամփը Սպիտակ տանը կհյուրընկալի Հայաստանի և Ադրբեջանի ղեկավարներին, հաղորդում է Washington Post-ը՝ հղում կատարելով իր աղբյուրներին։
«Դոնալդ Թրամփն ուրբաթ կհյուրընկալի Հայաստանի և Ադրբեջանի ղեկավարներին՝ ձգտելով հասնել երկու երկրների միջև խաղաղության համաձայնագրի կնքմանը: Հանդիպման ընթացքում կարող է հայտարարվել Հայաստանի և Ադրբեջանի միջև խաղաղության համաձայնագրի մասին»,- ասվում է հրապարակման մեջ։

Ավելի վաղ սպասվող հանդիպման մասին ներկայացրել էինք ՀՀ կառավարության հայտարարությունը: