«Սատանան մանրուքների մեջ է». Կապանում Իրանի գլխավոր հյուպատոս

Կապանում Իրանի գլխավոր հյուպատոս Մորթեզա Աբեդին Վարամինը Սիսիանում լրագրողների հետ զրույցում շեշտեց, որ ԱՄՆ-ի մայրաքաղաք Վաշինգթոնում ստորագրված եռակողմ փաստաթղթում բազմաթիվ հարցականներ կան, ժամանակ է պետք հասկանալու համար:

Հարցին, թե Հայաստանի իշխանություններն իրանցի գործընկերներին տեղեկացրե՞լ են «Թրամփի երթուղու» մասին, ասել է, թե գործընկերների միջև տեղեկատվության փոխանակում իրականացվում է, խոսակցություններ են ընթանում։ «Բայց սատանան մանրուքների մեջ է»,- երկիմաստ պատասխան է տվել դիվանագետը:
Նա հիշեցրել է, որ առաջիկայում սպասվում է ԻԻՀ նախագահ Փեզեշքիանի այցը Հայաստան, և դրանից հետո պարզ կդառնա, թե ինչ փոփոխություններ պետք է սպասել: