Շաբաթ, 30 օգոստոսի, 2025 թ.
|
Ստեփանակերտում`   +19 °C

Կապանում հայտնաբերվել է տղամարդու մարմին․ սպանության կասկածյալը ձերբակալվել է Իրանից ՀՀ վերադառնալիս

Կապանում հայտնաբերվել է տղամարդու մարմին․ սպանության կասկածյալը ձերբակալվել է Իրանից ՀՀ վերադառնալիս
50
Երեկ, 23:37

Երեկ՝ օգոստոսի 28–ին, օպերատիվ տեղեկություններ են ստացվել, որ Կապան քաղաքի Հունան Ավետիսյան փողոցի շենքերից մեկում տղամարդու դի կա։

Ինչպես հայտնում է ֆոտոլրագրող Գագիկ Շամշյանը՝ նշված փողոցի 6-րդ շենքի բնակարաններից մեկում հայտնաբերվել է նույն տան բնակիչ 49-ամյա Ռոման Ա․-ի դին։

Դատաբժշկի նախնական եզրակացության համաձայն արտաքին զննությամբ դիակի վրա հայտնաբերվել են բռնության հետքեր, այդ թվում հարվածներ գլխի հատվածում։

Դեպքի փաստով սպանության հատկանիշներով քննչական վարչությունում նախաձեռնվել է քրեական վարույթ։

Սյունիքի մարզի քրեական ու համայնքային ոստիկանները և Օպերատիվ հետախուզական աշխատանքների արդյունքում պարզվել է ենթադրյալ սպանություն կատարողի ինքնությունը, ով սպանությունից կարճ ժամանակ անց Մեղրիի անցակետով հատել է Հայաստանի սահմանը, գնացել է Իրան ու այսօր՝ օգոստոսի 29-ին, Իրանից Հայաստան վերադառնալիս ՀՀ ՆԳՆ ոստիկանության քրեական ոստիկանության գլխավոր վարչության ծառայողների կողմից ձերբակալվել և ներկայացվել է Սյունիքի մարզային քննչական վարչություն։